काठमाडौं – ‘ज्योमो गाङ फिल्म अवार्ड’ को दोस्रो संस्करण अमेरिकाको क्यालिफोर्नियामा आयोजना हुने भएको छ ।
आयोजक हुकुम मल्टिमिडिया प्रालिले आज पत्रकार सम्मेलन गर्दै अवार्डबारे जानकारी दिएको हो । नेपालमा निर्माण भएका आदिवासी जनजाति र मातृभाषामा निमार्ण भएका फिल्मको प्रवद्र्धन गर्ने उदेश्यले आयोजना गर्न लागेको अवार्ड नेपाली नयाँ वर्ष अर्थात आगामी २०७९ बैशाख १ गते आयोजना हुने हुकुम मल्टिमिडियाका अध्यक्ष धनबहादुर बम्जन (डिबी) ले बताए ।
फिल्म, निर्देशक, अभिनेता, अभिनेत्री,सम्पादन,नव अभिनेता, नव अभिनेत्री, छायाँकार, कलाकार, कथा, व्याकग्राउण्ड म्युजिक, द्वन्द निर्देशक र नव निर्देशक गरेर विभिन्न १३ विधामा अवार्ड समेटिएको छ । पहिलो संस्करण २०७६ माघ ८ गते थाइल्याण्डको पटैयामा आयोजना गरेको थियो ।
