काठमाडौं – नेपाल महिला रेस्लिङ्ग फाउन्डेसनद्धारा अन्तर्राष्ट्रिय रेस्लिङ महाभिडन्त भोली शनिबार काठमाडौंको भृकुटीमण्डपमा सम्पन्न हुने भएको छ । खेल दिउँसो १२ बजे देखि ५ बजेसम्म हुनेछ ।
सो खेलमा चर्चित नेपाली रेस्लर अस्मिता जुरेलीले अमेरिकी महिला रेस्लर पोलान्को नेफ्रेटिरीसँग भिडन्त गर्नेछिन् । त्यस्तै पाकिस्तानी खेलाडी कोभु ब्रान्डनसँग कुमार थापा नेपाली ब्रो, भारतीय खेलाडी गोपाल शर्मासँग पाकिस्तानी जोर्डन हुरको भिडन्त रहनेछ । साथमा नेपाली महिला खेलाडीहरु आकृति पुन, स्नेहा थापा मगर, जमुना तामाङ, गिता जिरेल, मनिषा रानाभाट, सपना तामाङ लगायत अन्य खेलाडीहरुसहित अन्तर्राष्ट्रिय रेस्लिङ्ग भिडन्त हुनेछ ।
कार्यक्रममा अमेरिका, पाकिस्तान, भारत र नेपाली खेलाडीहरुको उपस्थिति रहने फाउन्डेसनका संस्थापक अध्यक्ष एवं नेपालको पहिलो महिला रेस्लर भगवति खड्काले जानकारी दिइन् ।
भिडियो…
