संखुवासभा – देशै भरी एमाले प्रवेशको लहर चले संगै माधव नेपाल निकट युवा संगठन युवासंघ नेपाल संखुवासभाको सिंगो कमिटी नेकपा एमालेको रास्ट्रीय युवा संघ नेपालमा गाभीएको छ ।
एक बृहत कार्यक्रम बीच एमालेको संखुवासभा युवा युवा संघका अध्यक्ष ध्रुब खड्का (डीवान) को बिशेश पहलमा मिलन राई अध्यक्ष भएको १०१ सदस्यीय कमिटी रास्ट्रीय युवा संघ नेपालमा समाहीत भएको हो ।
ध्रुब खड्का संयोजक तथा मिलन राई सह संयोजक रहेको सो कमिटी ३५१ सदस्यीय रहेको छ। दुई संगठन मिलेर आगामी माघ २२ मा जिल्ला अधिवेशन गर्ने गरी आयोजक कमिटी समेत निर्माण भएको छ । सो भेलाले केही नितीगत निर्णयका साथै अधिबेशन सम्पन्न गर्न विभिन्न उपसमिति समेत निर्माण गरेको छ । युथफोर्स प्रमुख हिल जोन्सन राई, उप प्रमुख लक्ष्मी तामाङ्ग, साईबर सर्कल प्रमुख कोसराज दाहाल, उप प्रमुख आशीश तामाङ्ग रहेका छन् ।
यही पौष २६ गते संखुवासभा को खादबारीमा नेकपा एमाले अध्यक्ष केपी ओली को प्रमुख आतीथ्यता रहेको नेकपा एमाले आठौ जिल्ला अधिबेशनको उट्घाटन सत्रको निम्ती पेमा दोर्ची शेर्पा को नेतृत्व मा १०१ सदस्यीय स्वयंसेवक निर्माण समेत गरेको छ ।
