काठमाडौं – नेपालमा पछिल्लो २४ घण्टामा देशभर ३,३८४ जनामा कोरोना संक्रमण पुष्टि भएको छ ।
८५०६ जनाको पीसीआर र ५९८८ जनाको एन्टिजेन परीक्षणमा ३,३८४ जनामा कोरोना पुष्टि भएको स्वास्थ्य तथा जनसंख्या मन्त्रालयले जनाएको छ । यो संगै हालसम्म नेपालमा कोरोना संक्रमितको संख्या ६ लाख ६ हजार ७७८ पुगेको छ । त्यसैगरी पछिल्लो २४ घण्टामा ६,२९५ जना कोरोना संक्रमणमुक्त भएका छन् । योसँगै निको हुनेको संख्या ५ लाख २७ हजार १११ पुगेको छ ।
त्यसैगरी पछिल्लो २४ घण्टामा कोरोना संक्रमणबाट थप ६१ जनाको मृत्यु भएको छ । यो सँगै नेपालमा कोरोनाबाट मृत्यु हुनेको संख्या ८,३६६ पुगेको स्वास्थ्य तथा जनसंख्या मन्त्रालयले जनाएको छ । नेपालमा हाल सक्रिय संक्रमितको संख्या ७१ हजार ३०१ रहेको छ ।
