काठमाडौं – काठमाडौं महानगरपालिकामा आज देखि कोरोनाविरुद्धको खोप लगाइँदैछ । स्थगित खोप कार्यक्रम आज र भोलि सञ्चालन गर्न लागिएको हो । खोप कार्यक्रम बिहान १० बजेदेखि अपराह्न ४ बजेसम्म सञ्चालन हुनेछ ।
वीर अस्पताल, त्रिवि शिक्षण अस्पताल, वीरेन्द्र सैनिक अस्पताल र निजामती कर्मचारी अस्पतालमा खोप लगाइने जनाइएको छ । २५ जेठदेखि ५ दिनका लागि शुरु गरेको खोप अभियानमा खोप अभाव भएपछि निर्धारित मितिभन्दा दुई दिन अघि नै अभियान स्थगित भएको थियो ।
