फोनमा आएको एउटा मिसकलबाट सुरु भएको प्रेम यतिसम्म बढ्यो कि प्रेमी जोडी घारबाट भागे । भागेर हिँडेका उनीहरुलाई बाटोमा प्रहरीले भेट्यो । प्रहरीले उनीहरुलाई सोधपुछ गर्दा युवकले प्रेमिकालाई आफ्नी बहिनी भएको बताए । उनले बहिनीको उपचार गर्न जान लागेको भने । प्रहरीले शंका लागेर युवकको झोला चेक गर्दा झोलामा युवकको आधार कार्ड भेटियो । आधार कार्डमा युवकको नाम देखेपछि युवतीको होसहवास उड्यो ।

घटना भारतको गोरखपुरको हो । यो जोडी भागेर चेन्नइ जाने तयारीमा थियो । युवकको नाम खुलेपछि युवतीले उनीविरुद्ध बलात्कारको मुद्दा दायर गरेकी छिन् । प्रेमीको नाम अमीन अल हक भएको बताइएको छ । उनले ती किशोरीलाई भने आफ्नो नाम सोनु विश्वकर्मा बताएका थिए । अमिन चेन्नइमा काम गर्छन् । उनी केही दिनअघि मात्र गाउँ आएका थिए । उनले १६ वर्षकी ती किशोरीलाई बिहेको आश्वासन दिएर चेन्नइ लैजाँदै थिए ।

किशोरीका अनुसार एक मिसकलपछि उनीहरुको फोनमा कुरा भएको थियो । त्यसपछि उनीहरु भेट्न थाले । दुईबीच शारीरिक सम्बन्ध पनि भयो । किशोरीले उनलाई सोनू नै सम्झिरहेकी थिइन् । उनले युवक आतंकवादी पनि हुन सक्ने आशंका व्यक्त गरेर बलात्कारको उजुरी दिएकी छिन् । उनले युवकको वास्तविक नाम थाहा पाउनासाथ रुन लागेको प्रहरीले बताएको छ । युवालाई जेल पठाएर आवश्यक अनुसन्धान भइरहेको प्रहरीले जनाएको छ । किशोरीलाई आशा ज्योति केन्द्रमा राखिएको छ ।

तपाईको प्रतिक्रिया