Loading…

चन्द्रागिरि गोल्डकप फुटबल प्रतियोगिताको उपाधि हिमालयन शेर्पा क्लबले हात पारेको छ ।

Loading…

ब्राइट युथ क्लबको आयोजनामा चन्द्रागिरि नगरपालिका–१४ स्थित खेलमैदानमा आज भएको फाइनल खेलमा हिमालयन शेर्पाले फ्रेण्डस क्लबलाई ३–१ गोल अन्तरले पाखा लगाउँदै उपाधिमाथि कब्जा जमाएको हो ।

उपाधिसहित हिमालयन शेर्पाले रु पाँच लाख तथा उपविजेता सीमित बनेको फ्रेण्डस क्लबले रु दुई लाख ५० हजार प्राप्त गरेको छ ।

राष्ट्रिय खेलकुद परिषद्का सदस्यसचिव केशवकुमार विष्टले विजेता टोलीलाई पुरस्कार प्रदान गर्नुभयो ।

गत कात्तिक २८ देखि सञ्चालन भएको उक्त प्रतियोगितामा आयोजकसहित ‘ए’ डिभिजनका आठ टोली सहभागी थिए ।

तपाईको प्रतिक्रिया

Loading…